Inspirasiekos

1 (800 g) heel forel, skoongemaak 2 hande vol pietersielie 2 suurlemoene, in wiggies gesny 4 knoffelhuisies, grofgekap sout en varsgemaalde swartpeper 24 repies parmaham BOTTERSOUS 250 g roomkaas 500 g botter, gesmelt en gekook tot goudbruin 100 ml kookwater sap en skil van 2 suurlemoene

Verhit die oond tot 180 °C. Plaas die forel in ’n groot oondroosterpan. Vul die buik met pietersielie, suurlemoen en knoffel. Geur buite en binne met sout en peper en pak dit dan toe met die repies parmaham (jy kan die ham ook met repies gerookte spek vervang). Plaas die forel in die warm oond en bak oop vir 25 minute of tot die spek goudbruin en bros is. Maak die bottersous terwyl die vis bak Plaas roomkaas en botter in glasbeker en verwerk met ’n staafmenger ( stick blender) tot goed gemeng. Voeg kookwater, sap en skil van suurlemoen by. Geur goed met sout en peper en meng deur. Sit gaar vis voor met die bottersous en suurlemoenwiggies.

ekstra koekmeel vir uitrol 500 g-sakkie winkeldeeg 125 ml basiliepesto

Verhit oond tot 180 °C. Sprinkel koekmeel op werkvlak en rol deeg tot sowat 3 mm dik uit. Smeer pesto oor deeg en rol op in lang deegwors. Sny wors in stukke van 3 cm breed. Spuit ’n broodpan van 20 x 15 cm goed met kleefwerende kossproei. Plaas stukke regop in broodpan en laat rys op warm plek vir 20 minute. Bak vir 25 – 30 minute of tot goudbruin en gaar. Keer uit en sit louwarm voor.