IN ’N KLAS VAN HAAR EIE

Toe doen hulle dit weer! Die restaurant Mosaic by die private Orient-hotel naby Hartbeespoortdam het onlangs weggestap met die groot titel: Suid-afrika se Beste Restaurant vir 2015. Dis ook bekroon as die elegantste restaurant en het die voorsitterstoekenning gekry.

Wendy Alberts, hoof van die Restaurant-vereniging van Suid-afrika (RASA), het Chantel Dartnall, hoofsjef en mede-eienaar, geprys vir haar innovasie, oorspronklikheid en leiding op gastronomiese gebied, en Mosaic beskryf as “in ’n klas van sy eie”.

Chantel was al twee keer Eat Out S. Pellegrino Sjef van die Jaar, en Mosaic onder die Eat Out- gids se top-5 plaaslike restaurante.