Sovin & r a sleetyd
Vir
Dieaarde huppel op sy as, juis die oomblik dat ek mik om op die motorboot te klim. So wil ek glo. Want sekondes later lê ek soos ’n koddige seediertjie in die louwarm Indiese Oseaan. Terwyl die lag uit my borrel en my medereisigers oopmond staar. My selfoon, in my (papnat) sak, reeds in die elektroniese hemel.
As jy in Rome is, eet jy pizza. In Mauritius, swem jy. Al is dit met klere en al, soos ek nou.
Blou lug, wit strande, turkoois see, tropiese groen plantegroei – met as bonus vriendelike inwoners wat jou hartlik verwelkom. Suid-afrikaners se voorkeur-wittebroodbestemming. En net so gewild by gesinne.
SARIE en Bravo! was onlangs die gaste van die Vir Altydsterre Donnalee Roberts en Ivan Botha, en World Leisure Holidays op Mauritius. Ons eksklusiewe voorbladfoto’s vir dié uitgawe is by die idilliese Long Beach Golf & Spa Resort geneem.
Die eiland het ’n sekere bekendheid vir Suid-afrikaners, beaam Johann Strydom, besturende direkteur van World Leisure Holidays. Ons gaan maklik daarheen, voel tuis daar.
Ons bly in die luukse Long Beach-oord aan die ooskus. Met 225 kamers wat ’n see-uitsig het, is dié oord een van die pêrels in die eiland se hotel-snoer. Die oord se stemming wissel na gelang van waar jy is. Aan die seekant is die strandbootjie-palm-effek. Die voëltjies se gesange begroet jou by die spa, in ’n afgesonderde bos met ’n natuurlike poel.
Die piazza is die middelpunt met 5 restaurante. Met van Japannees tot seekos (natuurlik!) is daar iets vir elke smaak. Saans ontpop dit in ’n klein dorpie met ’n kuierstemming, stalletjies en musiekvertonings.
Long Beach is ontwerp met ’n balans tussen natuur en oord as oogmerk. Ekovriendelik, met maatreëls om natuurlike bronne te beskerm, energie te bespaar en afvalproduksie te verminder. Dit alles lê in ’n kom, en as jy koers kies, sluk die natuur jou gou in. Binnekant word die buitelewe ingenooi met die eiland se natuurlike kleure wat in die dekor herhaal word: groen, blou, wit, koraalpienk . . . Hout word mildelik
Om te weetAir Mauritius het 7 vlugte per week vanaf Johannesburg, 3 vanaf Kaapstad (afhangende van die seisoen), en 3 vanaf Durban
Long Beach is sowat ’n uur se ry vanaf die lughawe
en ook van Port Louis, die hoofstad
Die reënseisoen is van Desember tot Maart, maar jou kans op mooiweer is altyd goed
Jy het nie ’n visum nodig nie
Daar is sowat 3 Mauritiaanse roepee (MR), hul geldeenheid, in een rand Die eiland is twee uur voor Suid-afrikaanse
tyd