Musiek Sandy speel Beethoven, Bach en Mozart; die Beeslaers se favourite, Leon Schuster se “Briekdans”, nee!
Jy speel Tsjaka, die altyd hongerige, senuweeagtige pavement special van die Beeslaers.
Tsjaka is ’n gekompliseerde karakter. Nie net moes ek sy sensitiwiteit, intelligensie en humorsin oordra nie, maar die rol vereis ook ’n buitengewoon aantreklike akteur. Ek dink my oë doen ook nogal die ding!
Jyself ken die moeiliker kant van die lewe.
Ek kom weens omstandighede buite my beheer uit die DBV se reddingskut. Dis mos waar my mens-ma, Sandy Cammell, my op vier maande gekry het. Maar my stamboek is eintlik goed, so reg uit Afrika. Jy kan maar sê ek is Boere-royalty. Die titel pavement special maak my de joos in! Ek meen, vergelyk my nou met ou Vleis Beeslaer [Deon Lotz]. Die man is so bleddie onsensitief soos ’n Karoo-klip!
Jy kon dus met Tsjaka identifiseer?
Ou Tsjaka kom ook toevallig uit ’n skut. Weet jy, die ander outjie wat vir die rol ’n oudisie gedoen het, is vol petrol gegooi en toe aan die brand gesteek. Nou loop hy met die naam Primus. Mense soos Sandy maak darem op vir sulke wreedheid.
Hoe het jy saam met die tweebeen-“diere” gewerk?
Die meeste van hulle is hondeliefhebbers . . . hoewel Koos [Roets] twee worshonde in sy familie het. Dit tel ’n bietjie teen hom, want worshonde se eiesinnigheid en hardegatgeit dryf hul eienaars tot ’n erger graad van gekheid! Siestog.
Hoe het jy en Koos gekliek?
Baie goed, al is hy nie heeltemal op my intelligensievlak nie. En jy kan duidelik sien hy is nie meer heeltemal lekker in die kop nie. Daarvoor plaas ek die blaam op sy twee worshonde, Miekie en Wilmien. Die enigste bietjie sensibility kom maar van sy schnauzer, Karel. Karel wil self graag regie doen en ek vermoed hy het vir Koos baie gehelp om Jeanne [Goosen, skrywer van die gelyknamige boek] se teks beter te verstaan.
Moes jy regtig vir Willie Esterhuizen [Basil Bonthuis] aan die boud byt?
Willie is ’n method actor en hy het daarop aangedring. Hy moes agterna 36 steke in sy agterent kry! En ons is steeds goeie pêlle. Professionele akteurs, sien.
Honde-akteurs kry blykbaar eetgoed as beloning ná feitlik elke skoot. Hoe hou jy jou gewig so mooi in toom?
Dis maar ’n probleem, want dit kan my kanse om romantiese