Klop virusse
Jy gaan dikwels dokter toe as jy reeds besig is om van ’n virus-infeksie te herstel. En glo dan dis die antibiotika wat jou beter laat voel. Jy kan lank die simptome van ’n viruslugweginfeksie hê (tot drie weke met akute bronchitis). Groen of geel slym en neusafskeiding is dan algemeen, verduidelik dr. Wasserman.
Volgens dr. Faure het haar kinders, onderskeidelik 9 en 7, nog net een keer in hul lewe antibiotika gebruik. Veel eerder probeer sy oor-die-toonbankmedisyne soos neussproei om die simptome te takel. Rus en neem baie vloeistowwe in. ’n Verkoue of griep neem meestal binne 48 uur sy loop.