’N SKINKBORD

WORD ’N MAGNEETAANSTEEKBORD . . .

Ons het ’n ou metaal-skinkbord donkergrys gespuitverf, maar jy kan dit natuurlik enige kleur spuit of net so hou. Gebruik klein magnete om uitnodigings, lyste en afsprake op die skinkbord vas te sit. Die koperbeker (R199) en klein ronde kaasbord (R225) is van Woolworths, die langwerpige houtsnyplank regs daarvan (R149,99) is van Mr Price Home. Die snyplank voor links (R149) is van @home. Ander items is stilis s’n. Muurkleur is Auburn Falls 6 van Dulux.

. . . OF ’N KLEIN TAFELTJIE

’n Groot metaal-skinkbord is ideaal om ’n klein sytafel mee te maak. Ons het ’n verweerde tafeltjie se pote gebruik en die blad daarop vasgeplak met No More Nails-gom. Die groot metaal-skinkbord (R160) is van Game.