OM T E WEET
Ken jou liggaam. Masturbeer, ontdek waarvan jy hou en vertel jou maat. Werk aan jou seksuele selfbeeld. Versorg jouself goed. Fokus op jou goeie eienskappe en beklemtoon dit. Vergeet van jou selluliet of rekmerke. Mans kyk met ander, sagter oë na vroue. Hy sien dikwels nie die dinge raak wat jou pla nie.
Práát oor seks. Verkieslik nie in die slaapkamer nie, maar in ’n neutrale omgewing. Bespreek jul behoeftes, voorkeure en afkere. Wees eerlik oor jul verwagtinge. Lees saam seksueel opvoedkundige boeke en leer om gemaklik daaroor te kan praat.
Bepaal jou prioriteite. Beplan jou sekslewe. Ruim tyd in vir spesiale, sensuele samesyn – veral as julle kinders het.
Die brein is jou belangrikste seksorgaan: Gebruik dit. As seks meganies en geroetineerd raak, kan fantasie dit weer laat opvlam. Fantaseer oor iets waarmee jy gemaklik voel. Jy kan só in ’n veilige omgewing met nuwe erotiese idees eksperimenteer.
Wees romanties en kreatief. Blomme, kerse, wyn, musiek, verrassings en bederfsessies (soos om mekaar te masseer) verrig wondere. Sorg vir afwisseling en wees sensueel én seksueel kreatief.
Gaan kompromieë aan. As jou maat se seksdrang baie hoër of laer is as joune, kan sensuele liefdespel ’n alternatief vir seks wees. Spontaneïteit, wedersydse buigsaamheid, eerlike kommunikasie en ontvanklikheid vir moontlike alternatiewe sal bydra tot ’n gelukkige, vervulde sekslewe.
Wees realisties. Moenie jou sekslewe vergelyk met wat jy in boeke lees of op TV sien en dan wroeg omdat joune saai en sonder oemf lyk nie. ’n Seksuele verhouding moet vertroetel word. En die groei en ontwikkeling daarvan is ’n lewenslange proses.
Soek moontlike oorsake vir probleme. Maak seker daar is nie ’n liggaamlike rede soos diabetes, ’n ystertekort of hormonale wanbalans nie. Pyn (algemeen of tydens gemeenskap), vaginale infeksies, moegheid, oormatige alkoholgebruik, medikasie soos antidepressante en kalmeermiddels, onopgeloste konflik, stres en ’n gebrek aan emosionele intimiteit kan ’n negatiewe invloed op jou seksdrang hê. Praat met jou dokter oor ’n antidepressant wat nie jou libido onderdruk nie. Soek hulp as seksuele probleme jul verhouding beïnvloed of as julle nie meer openlik, kalm en eerlik oor jul probleme kan gesels nie.
Bron: Dr. Elmari Mulder Craig, seksuoloog en huweliksberader
46%Dis hoeveel
jou risiko vergroot om aan enige siekte
(insluitende hartsiektes en diabetes) te sterf
as jy langer as 4 uur per dag sit; teenoor mense wat minder as 2 uur sit, volgens
’n studie in die Journal of
Circulation.
is saamgestel deur historici verbonde aan die Oorlogsmuseum in Bloemfontein en bevat meer as 100 resepte vir alles van boereworspastei en liplekker tamatiebredie tot pampoenkoekies en ’n magdom nageregte en gebak. Etlike resepte van geregte wat uit die oorlog dateer, soos bontspan (sosaties), stormjaers (vetkoek) en kommandorys, is ook ingesluit. Benewens tydlose boerekosresepte bevat dit ook historiese brokkies, fassinerende verhale soos dié van Nonnie de la Rey, vrou van genl. Koos de la Rey, wat op haar eie in die veld oorleef het, en pragtige foto’s van voorwerpe uit die Anglo-boereoorlog.