Ons wêreld MA & DOGTER STAL UIT Meer as 9 lewens . . .
Vanjaar se KKNK is ’n spesiale een vir feeskunstenaar Hanneke Benadé. Nie net is dit 20 jaar sedert sy haar eerste solo-uitstalling in Johannesburg gehou het nie, maar haar ma, Ada Liefbroer-benadé, hou boonop op 72 háár eerste uitstalling. Die Poeries: ’n versameling karikature, met 170 hout- en kleifigure, is uit honderde aansoeke gekeur. Ada het geen tersiêre kunsopleiding nie. Haar reaksie: “Om op dié ouderdom myself te kan ontdek en uit te leef is wonderlik!” Hanneke beskryf Ada as ’n inspirasie. “Ek is bly ander kan nou my ma se reuse-talent sien.”
’n Vroue-sterrekundige wat ’n belangrike rol gespeel het in die ontdekking van die planeet Neptunus – in ’n era toe vroue in die wetenskap sterk teenstand gekry en ontmoedig is – gaan die eerste vrou benewens die Britse koningin
word wat op ’n Skotse banknoot pryk. Die Skot Mary Somerville (1780 tot 1872) is in ’n Royal Bank of Scotland-peiling as die gewildste keuse vir die £10-noot aangewys. Haar hipotese was dat ’n ander planeet, Neptunus (toe nog onontdek), verantwoordelik is vir Uranus se wentelbaan. Sy was ook een van die eerste vrouelede van die Royal Astronomical Society.
Bron: motto.time.com
*Onlangs is nog ’n planeet, Planeet 9, in die buitewyke
van ons sonnestelsel “ontdek”. Harry Potter-verslaafdes is in ekstase nadat skrywer JK Rowling bekend gemaak het daar is nog ’n boek op pad.
Harry Potter and the Cursed Child Parts I&II is ’n spesiale uitgawe van die draaiboek van ’n nuwe verhoogproduksie wat op 30 Julie in Londen se Weseinde afskop. Later vanjaar word die fliek Fantastic Beasts and Where to Find Them, met Rowling as draaiboekskrywer, ook uitgereik. Die titel is dié van een van die handboeke aan die befaamde Hogwarts School of Witchcraft and Wizardry. Eddie Redmayne vertolk die handboekskrywer – 70 jaar vóór Harry se storie begin. Die YouTube-voorskou is al meer as 10 miljoen keer gekyk!
Berg uit vir borskanker
Daar is lewe ná ’n
borskankerdiagnose. Dís een van die boodskappe
wat seksuoloog
en sewe ander vroue wat ook borskanker oorwin het, wil oordra wanneer hulle op 14 April die trek na die Everestbasiskamp in Nepal pak. Elna wou iets
buitengewoons doen omdat sy vanjaar 21 jaar sonder borskanker vier. Die
klimmers wil ook mense bewus maak van die Borsgesondheidstigting. “Die stigting het al duisende vroue en honderde mans bygestaan en sal dit in die toekoms ook doen. Hulle het ons steun en borg
skappe nodig.”