BEHANDELING VAN DIE MAAND

Afskilfering vir gesonde vel

Die koeler maande kruip nader en nou is die tyd om ’n reeks chemiese afskilferingsbehandelings ( peels) te laat doen. Met dié behandeling word ’n suur of kombinasie van sure gebruik om ’n sekere aantal lae van jou vel te verwyder. Jou vel word hierdeur geprikkel om nuwe, gesonde selle te vervaardig. Na gelang van hoe diep die behandeling werk, kan ’n reeks sessies enigiets van vergrote porieë en ’n veluitslag verbeter tot pigmentasie verminder.

Dit is die beste om chemiese afskilferingsbehandelings in die winter te doen omdat dit jou vel meer sonsensitief maak en jy dan minder tyd in die son deurbring.

Skrik jy jou boeglam as jy die woord peel hoor? Probeer ’n ligte een wat oppervlakkig werk, soos Placecol se Active Resurfacing 20% Application (R440). Dit span ’n produk met glikoliese suur (bekend daarvoor dat dit help om vog in jou vel te behou) in om jou vel af te skilfer. Wanneer die terapeut dit aansmeer, prikkel jou vel effens. Ná sowat tien minute neutraliseer sy die produk en wend ’n aanbly-masker aan om rooiheid te kalmeer. Jou vel sal ’n bietjie rooi wees ná die behandeling, maar dit sal glad nie sigbaar afskilfer soos met ’n dieper chemiese afskilferingsbehandeling nie. Onthou, jy móét daagliks ’n sonskerm aanwend ná so ’n behandeling.

Methul doeltreffende formules en kenmerkende velsorgfilosofie het Dermalogica al vir 30 jaar die skoonheidswêreld aan hul voete. Dié suksesverhaal het begin toe die Britse velsorgterapeut en stigter, Jane Wurwand, in die vroeë 1980’s besluit het die produkte op die mark is nie sag genoeg vir haar sensitiewe vel wat soms simptome van ekseem toon nie. Haar oplossing: Om haar eie reeks te ontwikkel met bestanddele wat nie jou vel irriteer nie. In 1986 is Dermalogica gebore en agt jaar later ook in Suid-afrika bekend gestel.

lande beskikbaar, terwyl Jane se onwrikbare entrepreneursgees boonop ’n inspirasie vir

vroue wêreldwyd is.