SKOONHEIDSWENKE
Vir ’n loopneus en hooikoors, gooi louwarm rooibostee in die holte van jou hand en trek stadig in jou sinusse op. Hou ’n paar sekondes en snuit jou neus saggies.
GOED VIR Ondersteun immuniteit
Rooibos kan die immuunrespons onderdruk of stimuleer, na gelang van wat nodig is vir ’n spesifieke kwaal. Dit het dus die potensiaal om verskeie immuunverwante toestande te behandel, wisselend van allergiese veltoestande (onderdruk immuunstelsel) tot bakteriële infeksies (stimuleer dit).
GOED VIR Maagkrampe/diarree
Dis danksy die flavonoïede se kalmerende effek op die spysvertering-stelsel.
GOED VIR Oefenslawe
Daar word geglo dit vervang vinnig die natrium wat jy deur sweet verloor.
GOED VIR Sooibrand
Dit kan moontlik sooibrand help verlig, omdat dit krampwerende eienskappe het.
GOED VIR Slaaploosheid
’n Natuurlike raat as Klaas Vakie nie wil kom nie.
GOED VIR Bly langer jonk
Rooibos beskerm testikulêre weefsel teen vry radikale.
Dit lyk boonop belowend as ’n terapie om Alzheimersiekte te voorkom en behandel.
Dis reeds bewys dit verleng kwartelhenne se vrugbaarheid en vertraag veroudering. Navorsing moet nog op mense gedoen word.
In die geval van rotte beskerm dit hul sentrale senuweestelsel en vertraag ouderdomsverwante brein-aftakeling.
Spieëltjie, Spieëltjie ...
Rooibos is ryk aan unieke plantchemikalieë soos antioksidante, alfahidroksisuur, sink en talle ander stowwe bekend vir hul helende, strelende en verjongingseienskappe. Skoonheidshuise wêreldwyd gebruik dit dan ook. Dit bevorder ’n gesonde en vlekkelose vel en dien as skild teen omgewingsfaktore wat voortydige velveroudering veroorsaak.
5 sekondes. Dis hoe lank kos wat op die grond geval het, steeds veilig is om te eet. Só was die riglyn altyd. Nie so nie, wys ’n Amerikaanse studie. Hoe langer die kos daar lê, hoe meer kieme klou uiteraard daaraan vas. Dit hang ook af van die kos-vloer-kombinasie. Klam kos op teëls lok veral baie “goggas”. Maar ’n beduidende aantal kieme soos salmonella klou byna oombliklik daaraan.
Cupie Drury, Marketstraat 177, Fairland; Salomé Watkins, Posbus 249, Secunda; Barbara de Beer, Dillestraat 351, Annlin, Pretoria-noord; Kobus Barnard, Villa Octa 3, Kiepersolstraat 8A, Eldoraigne X2; Ina Bouwer, Posbus 78, Excelsior.