RAAD AAN ANDER ENTREPRENEURS UITDAGINGS GROOTSTE SAKELESSE GELEER EIENSKAPPE NODIG OM SO ’N ONDERNEMING TE LAAT SLAAG
Glo in jouself en moenie bang wees om ’n uitdaging aan te durf nie. Vra hulp of raad as jy dit nodig het. Om genoeg bottels te kry om ons bestellings volledig te kan afhandel. Ek moes al almal wat ek ken, smeek of self rondry en bottels optel! As jy glo i
die vullis was plastiekbottels en ek het besluit om iets daarmee te doen. Baie probeerslae en gesnyde vingers later het ek dit reggekry om ’n geskenkboksie uit ’n bottel te vou en dit ’n kliketyklik-boks genoem.”
Toe ’n kollega by die skool die boksie sien, was hy so beïndruk dat hy genoeg geld in Lynn se nuwe besigheid, All Women Recycling (AWR), belê het dat sy kon bedank en ’n paar vroue kon oplei by ’n klein werkswinkel in Dieprivier, Kaapstad.
Vandag werk nege vroue permanent by AWR en die meeste van hul produkte word uitgevoer na lande soos Duitsland, Swede, Nederland, Skotland, Engeland en die VSA. Daar is ook ’n Awr-winkel in Woodstock, Kaapstad.
“Toe ons amptelik die besigheid in 2009 begin, het ek elke dag heeldag gewerk. Ek het oral rondgery om markte te soek waar ons die produkte kon verkoop, ek het ander vroue opgelei en daarna tot in die vroeë oggendure gesit en kliketyklik-boksies maak. Die bestellings het vinniger ingekom as wat ons kon byhou!”
Vanjaar verwag AWR om meer as ’n halfmiljoen bottels te gebruik om hul produkte, van geskenkboksies tot pennehouers en blompotte, te maak. Lynn koop die bottels by vullisdepots, skole en straatherwinnaars. Sy beplan ook nou om permanente straatherwinnaars aan te stel.
“Maar ons groot plan vanjaar is om na Indië uit te brei. ’n Pastoor daar, Immanuel Bhaskar, het my genader om vroue daar op te lei om ook die produkte te maak. Dit sal ’n ander sakemodel wees en die wins sal alles in ’n trust geplaas word, waarin die vroue dan deel. Dit was van die begin af vir my belangrik om ander vroue te help, en van dié wat in Indië gaan werk, het dit bitter nodig.
“Ook hier plaaslik maak ek seker die vroue wat by AWR werk, kry soveel moontlik geleenthede. Elke week het ons ’n spreker wat kom gesels oor onderwerpe soos gesondheid, vroueprobleme en MIV, en ek kan sien hoe dit hulle inspireer. Ek wil ook nie hê hulle moet vir altyd vir my werk nie, maar eerder by my leer en groei en dan hul eie ondernemings begin – en hulle doen dit dikwels. Dis wonderlik om daardie positiewe verandering in hulle te sien.” >