Vriesvir 2-3 maande Vriesvir 3-4 maande Vriesvir 1-2 maande
INDIESE LENSIESOP
Dié dhal- sop uit Indië is perfek vir jou vegetariese gaste, terwyl selfs die vleiseters nog sal skep. genoeg vir 4
45 ml olyfolie 30 ml botter 15 ml komynsaad 10 ml swartmosterdsaad 12 kerrieblare, vars of gedroog 1 ui, baie fyngekap 1 brandrissie, gekap 1 x 400 g-blik gekapte tamaties 360 g (400 ml) geel lensies 2,5 liter water 2 wortels, fyngekap 25 ml borrie sout en varsgemaalde swartpeper 1 hand vol koljander, fyngekap
Verhit olyfolie en botter tot warm in drukkoker. Voeg komyn, mosterd, kerrieblare, ui en rissie by. Roerbraai 3 – 5 minute of tot ui begin verbruin. Roer tamaties by en braai nog 1 minuut. Voeg lensies, water, wortels en borrie by. Geur met sout en peper. Maak drukkoker toe tot begin stoom en laat stoom vir 30 minute. Laat stoom versigtig ontsnap uit pot. Voeg nog water by indien mengsel te dik geword het. Verhit tot warm en roer koljander deur. Sit voor met poppadums.
BEESKORTRIB-BREDIE MET ROOIWYN EN BONE
Beeskortrib is ’n goedkoper vleissnit. Die been gee ekstra geur en smaak aan die bredie. 45 ml olyfolie 3 kg beeskortrib aan die been 2 uie, gekap 4 knoffelhuisies, gekap 3 wortels, in ringe gesny 30 ml heel komyn 1 x 410 g-blik tamatiepuree
ingemaakte suurlemoen ( preserved lemon) 500 ml rooiwyn 350 ml beesaftreksel sout en varsgemaalde swartpeper 2 x 410 g-blikke botterbone, gedreineer skil van 3 suurlemoene 1 hand vol pietersielie, gekap
Verhit olyfolie tot warm in drukkoker. Plaas vleis in pot en braai sowat 1 minuut aan elke kant of tot goudbruin. Haal vleis uit pot en hou eenkant. Gebruik dieselfde pot en plaas uie, knoffel, wortels en komyn daarin. Braai vir 3 – 4 minute of tot mengsel begin verbruin. Plaas gebraaide vleis terug in pot en braai alles saam vir 1 minuut. Voeg tamatiepuree, suurlemoen, wyn en aftreksel by en roer deur. Geur goed met sout en peper. Maak drukkoker toe tot dit begin stoom en laat stoom vir 45 minute. Laat stoom versigtig ontsnap uit pot en maak oop. Roer botterbone by warm bredie. Meng suurlemoenskil en pietersielie saam. Sit voor saam met warm bredie.
KWEPER-LAMSBREDIE
Wat is winter sonder kwepers op die tafel? Maak jy dit gaar saam met die lam, is dit murgsag geskenkies wat vir jou wag met elke happie. genoeg vir 4
45 ml olyfolie 1,5 kg kort lamskenkels ( knuckles) 2 uie, fyngekap 2 knoffelhuisies, gekap 2 stingels seldery, fyngekap 2 wortels, in ringe gesny 2 kaneelstokke 1 knippie saffraan 3 lourierblare 80 g tamatiepasta 2 kwepers, ontklok en in kwarte gesny 250 ml witwyn 500 ml beesaftreksel sout en varsgemaalde swartpeper
Verhit olyfolie tot warm in drukkoker. Verbruin lamskenkels sowat 2 – 3 minute in olie. Haal uit pot en hou eenkant. Gebruik dieselfde pot en voeg ui, knoffel, seldery, wortels en kaneel by. Roerbraai vir 2 – 3 minute. Voeg saffraan, lourierblare en tamatie by. Roerbraai nog 2 minute. Voeg res van bestanddele en gebraaide vleis by. Geur met sout en peper, en roer deur. Maak drukkoker toe tot dit begin stoom en laat stoom vir 45 minute. Laat stoom versigtig ontsnap uit pot en sit voor met bykos van jou keuse. (Sien bl. 102 – 103.)
BLOMKOOL-ENSELDERYSOP
(bl. 106) Klassiek, romerig, Frans en heerlik – winter of somer. 55 g (60 ml) botter 30 ml olyfolie 2 blomkoolkoppe, grofgesny 1 seldery-knol ( celeriac), geskil en grofgesny 6 grasuie, in ringe gesny 2 knoffelhuisies, gekap 2 rooi brandrissies, fyngekap 500 ml melk 500 ml hoenderaftreksel 20 ml neut ( nutmeg), fyngerasper sout en varsgemaalde swartpeper VIR VOORSIT 45 ml olyfolie 15 ml heel komyn 1 x 410 g-blik kekerertjies, gedreineer
Verhit botter en olyfolie tot warm in jou drukkoker. Voeg blomkool, seldery, grasuie en knoffel by. Roerbraai 5 minute. Voeg res van bestanddele vir sop by en geur goed met sout en peper. Maak drukkoker toe tot dit begin stoom en laat stoom vir 20 minute. Laat stoom versigtig ontsnap uit pot en maak oop. Verwerk tot puree met staafmenger. Sit voor Verhit olie tot warm in braaipan en voeg komyn en kekerertjies by. Roerbraai vir 5 minute. Skep bo-op warm sop en sit voor.