ONTMOET SUID-AMERIKA
Alle oë is nou op Rio. Dekor dans ’n kleursamba saam met die wêreld se vrolike karnaval-hoofstad en sy ryk reënwoude
KUNS VAN VLEG
Net soos ons, het Brasilië ook ’n ryk geskiedenis van mandjie-vlegwerk Mandjie teen muur, op boonste trap en die blou-en-oranje een op vloer (vanaf R270) is van Arabesque. Plant in glashouer (sien Woondinge, bl. 98). Bamboesmandjie (heel regs, R430) is van Patio Warehouse. Die mandjie met blou geometriese patroon (R475) en pienk-en-wit mandjie (R225), die roomwit uitstal-leer (R3 395) en lang bankie (144 x 35 x 46 cm, R3 495) is van Loft Living. Die swart-en-strooikleur mat (R1 700) is van Mr Price Home.
VIER GOUD & GROEN
Skakerings van groen is die perfekte pasmaat vir metaalkleure. En as jy moeg is vir jou glas-blompotte, versier dit self met goud- of koperblad (sien vir stap-vir-stapaanwysings).
KIES KLEUR EN PATROON
Materiale uit Brasilië is kleurryk met ingewikkelde patrone, dikwels geïnspireer deur hul woude en plantegroei, net soos lap uit eie bodem. Die digitaalgedrukte materiaal op die kunstenaarsdoek (vanaf R250 – R400 p.m., BTW uitgesluit) is van Beyond Innovation Printing. Die twee tekstielstowwe wat ver regs hang, is van Gary Neil Outdoor-materiale. Naasregs is die kleur Chartreuse uit die reeks African Safari (R487 p.m.) en die geblomde lap heel regs is Paradise (R1 291 p.m.), met palms, blare en ons eie strelitzia-blom as inspirasie. Dit is ewe geskik vir buite- en binnenshuise gebruik. Die ander materiale is inheemse Afrika-patrone, op katoen gedruk, en by groot materiaalwinkels te koop. Die groen fluweelkussing (R579) en onderste een (R1 099) is van Loft Living.