Alles oor SURROGASIE
Jy hunker na ’n baba en surrogaatskap lyk na die laaste uitweg. Maar daar is allerhande vrae, onsekerhede en selfs vrese SÓ WERK DIT
’n baba wat aangeneem word, eers sestig dae ná geboorte in ’n plek van veiligheid gehou word.
Surrogaatskap is egter ’n komplekse en duur proses, waarsku prof. Kruger.
Daar’s tans ’n groot tekort aan vroue wat bereid is om as surrogate op te tree. En talle vroue (en selfs mans) wat angstig op ’n geskikte surrogaat wag, sê hy.
Die reëls van surrogaatskap word in die Kinderwet se hoofstuk oor surrogasie (2010) uitgestippel. ’n Waterdigte kontrak word opgestel en deur ’n regter van die hooggeregshof bekragtig. Voorheen kon die betrokke partye sommer ’n mondelinge ooreenkoms aangaan. Dit was makliker om voornemende ouers uit te buit, sê Adele.
Van die oomblik dat die kind verwek word, is hy/sy die voornemende ouer/ ouers s’n. Dis hul naam/name wat op die geboortesertifikaat verskyn. Anders as vroeër hoef julle nie die kindjie aan te neem nie, verduidelik sy.
Albei partye gaan ook vooraf vir sielkundige en mediese evaluasie. En word deurentyd begelei deur ’n sielkundige, medici en regsgeleerde, wat na die praktiese detail omsien. ’n Maatskaplike werker is ook betrokke.
Die twee groepe besluit self hoeveel kontak hulle wil hê. Dis meestal ’n respekvolle verhouding wat almal se grense eerbiedig.
As die sielkundige evaluasie en siftingsproses vooraf goed gedoen word, behoort die surrogaat nie daarteen te skop om die kindjie te laat gaan nie.
Daar is ’n plek vir etiese surrogaatagentskappe, sê Adele. Dis egter belangrik dat sulke agentskappe nie die werk van die vrugbaarheidskliniek, sielkundige, maatskaplike werker of prokureur probeer doen nie. Die wet verbied dit ook. Surrogaat-agentskappe moet onder eed verklaar hulle word nie vir die uitruil van inligting betaal nie. Hulle kan wel ’n beperkte administrasiefooi van sowat R1 000 hef.
Mediese fondse betaal nie vir vrugbaarheidsbehandelings nie, maar wel vir die swangerskap. Die surrogaat moet egter voor sy swanger raak by ’n mediese fonds aansluit, anders gaan die fonds betaling weier.
KONTAK
Prof. Thinus Kruger: 021 938 9209, medici@aevitas.co.za Adele van der Walt: 012 460 3668, www.medicalnegligence.co.za, www.medicallaw.co.za, www.surrogacyagreements.co.za