World Journal of Diabetes.

O, BOERETROOS

Jy crave soggens ná jou koffie ’n soetigheid. Dis dalk als die kafeïen se skuld. Dit demp jou smaakorgane tydelik en kos en vloeistowwe proe dan minder soet, het Amerikaanse navorsers bevind. Kafeïenvrye koffie het egter nie dieselfde effek nie. As jy dus suiker wil verminder, drink decaf. Interessant: As die plasebo-groep nie bewus was dat hulle kafeïenvrye koffie drink nie, het hulle ná hul koppie boeretroos net so op en wakker soos die ander groep gevoel. Als in die kop gewees!

ALZHEIMERS EN BLOEDSUIKER

Amerikaanse wetenskaplikes het ’n sterk verband tussen Alzheimersiekte en insulienweerstandigheid in die brein gevind. Die voorgestelde benaming is diabetes tipe 3. “Alzheimer se siekte word veroorsaak deur ’n kombinasie van genetiese, leefstyl- en omgewingsfaktore. Diabetes tipe 1 en 2 word gekenmerk deur hoë bloedsuiker, maar diabetes tipe 3 is meer kompleks en ontstaan in die sentrale senuweestelsel,” volgens prof. Christo Muller, hoof-spesialiswetenskaplike by die SA Mediese Navorsingsraad (SAMN). Baie mense met diabetes tipe 2 het neerslae van ’n proteïen, amiloïed beta, in hul pankreas. Dis soortgelyk aan neerslae in die breinweefsel van Alzheimerlyers. Dit verhoog tipe 2-diabete se risiko vir Alzheimers met tussen 50% en 65%, volgens navorsing in die Rooibos kan dalk diabetes tipe 2 vertraag of voorkom, is in plaaslike navorsing bevind. Die effek op die risiko van diabetes tipe 3 en Alzheimersiekte is egter nie bekend nie. Oefen soveel minute vyf keer ’n week (gaan gimnasium toe, of loop werk toe, of maak huis skoon). Dit word geassosieer met ’n verminderde risiko vir sterfte weens hartvatsiektes. Dis volgens ’n studie in die mediese joernaal The Lancet, die grootste tot dusver oor fisieke aktiwiteit. Dit het 130 000 mense in 17 lande ingesluit. As jy baie aktief is (750 minute ’n week), verminder dit jou risiko nog meer.