Fraaier ONDER “Not

DAAR Eers het vroue na plastiese chirurge opgeruk vir groter borste en platter mae. Nou is dit die vagina se beurt. Soms vir mooier daar onder, maar ook vir minder pyn en meer plesier

a pretty picture.” Die verteller oor hoe dit “daar onder” lyk in Die vagina-monoloë*. Nog ’n liggaamsdeel waaroor ons ons dus verknies – nie net die frons op ons voorkop en ons rosyntjie-oë nie. Eens was dit die deel van jou anatomie waaroor nie juis gepraat is nie. En wat goed versteek moes word, verkieslik in ’n ekstragroot Bridget Jones-nommer wat alles toemaak. Die allerlaaste verbode sone? Nie meer nie. Die laaste paar jaar het estetiese veranderinge aan jou intiemste liggaamsdeel die in-ding geword. Ginekologiese estetiese chirurgie, of vaginale verjonging. In leketaal ’n ontwerper-vagina. Kleiner, fermer, dus. Eens die domein van modelle vir Playboy en soortgelyke tydskrifte is dit nou hoofstroom in welvarende lande, word in die International Journal of Gynecology and Obstetrics geskryf.

Die veld ontwikkel vinnig in Europa en Amerika, maar ook in Indië en die Midde-ooste, volgens dr. Natalia Novikova van Kaapstad, ’n ginekologiese chirurg en eerste gesertifiseerde estetiese ginekoloog plaaslik. (Sy het ook ’n spreekkamer in Johannesburg.) “Dis inderdaad een van die vinnigs groeiende mediese velde ter wêreld. Want dis nooit vantevore gedoen nie.

As jy “natuurlik” kinders kry, kan jou vagina en/of perineum (die deel tussen jou anus en vagina) rek en skeur. Die geboorteproses kan ook jou blaas, baarmoeder of rektum se ondersteuningstrukture beïnvloed. In ’n ernstige graad verwys dokters daarna as prolaps. Die orgaan beweeg afwaarts uit sy normale posisie en sonder behandeling kan dit in jou vagina afsak, dalk selfs deur die vaginale opening. Een van die simptome kan pynlike seks wees. Vaginale verjonging kan insluit vaginaplastiek en/of perineoplastiek om jou vaginale buis “nouer” te maak en die perineum te lig en versterk.