Dis die norm dat jy name genoem word
< ’n Dilemma ontstaan wanneer daar konflik is tussen jou sin vir geregtigheid en jou drang om lojaal te wees. “Navorsing toon wanneer jou bewustheid van regverdigheid meer gewig as lojaliteit dra, is die kans beter dat jy sal opstaan. Is jou lojaliteit teenoor die mens/groep wat die wandade pleeg groter, raak die moontlikheid skraler,” sê dr. Van Niekerk. Dalk ’n verklaring waarom die Anc-kaders nie lankal hul stem dik gemaak het teen Zuma se duidelike vergrype nie. Dit kon skeuring in die party veroorsaak. En dís waar hul lojaliteit lê.
“Kulturele oortuigings speel ’n groot rol in hoe belangrik regverdigheid en lojaliteit geag word. In die Asiatiese en sommige Afrika-kulture is lojaliteit, die kollektiewe ‘ behoorttot-’n-groep’, van kardinale belang. Die Westerse kultuur plaas meer klem op regverdigheid – dus die regte van die individu.” Volgens haar is mense wat op hulself staatmaak vir sekerheid en oortuiging (interne lokus van kontrole), meer geneig om kapsie teen onreg te maak. Hulle neem self verantwoordelikheid vir hul optrede en blameer nie ander of omstandighede as iets verkeerd is nie. Dit dryf hulle om ook ander verantwoordelik te hou vir hul dade. “As ’n gemeenskap mense kan bemagtig met ’n beskouing waar regverdigheid en lojaliteit saamwerk, sal die wêreld ’n beter plek word.”
Nelson Mandela was ’n goeie voorbeeld van iemand wat met liefde, integriteit en respek vir sy medemens opgestaan het vir dit waarin hy glo, sê sy.
“No one is born hating another person because of the colour of his skin, or his background, or his religion. People must learn to hate, and if they can learn to hate, they can be taught to love, for love comes more naturally to the human heart than its opposite.” – Madiba