Slim WENKE VAN MY NAASTES
Die beste skoonheidsraad kom dikwels van mense wat jy ken. Bekendes, kenners en Sarie-lesers deel hul familie en vriende se slim mooilykwenke
SKOONHEIDSKRYWER EN STIGTER VAN DIE SKOONHEIDSBLOG
Pasop vir die son! My ma, Nellie, is op 85 ’n toonbeeld van toegewyde selfversorging en ’n vaste skoonheidsroetine. Haar vel is steeds byna plooiloos en vlekkeloos. Sy het van kindsbeen af die son vermy en dit wys.
My slaafse sonaanbidding as tiener en universiteitstudent het haar met afgryse vervul. Vandag is ek spyt ek het nie eerder vir haar begin luister nie. Ek het tot my vroeë dertigs nog steeds gereeld in die son gelê, maar darem my gesig met ’n hoed en sonskerm begin beskerm. My vel gaan nooit so goed soos my ma s’n lyk op haar ouderdom nie, maar ek kry darem gereeld komplimente. So ek hoop maar ek het betyds van my sondige weë afgesien. Nou is ek neuroties oor die >
< son. Ek dra ’n sonhoed, groot sonbril en goeie sonskerm as ek my neus by die deur uitsteek. Maar ek let al hoe meer sonvlekke op my bene en voorarms op, wat ongetwyfeld die resultaat is van daardie ure in die son. Beste skoonheidsraad wat jy al aan vriendinne gegee het? Omdat die meeste van hulle ouer as 50 is, háát hulle die verlies aan fermheid. Alles mik suid en word pap, veral by die kakebeenlyn, nek en halslyn. Ook plooie, pigmentasie, droë vel en vergrote porieë is ’n probleem. My raad is om gereeld ’n behoorlike gesigbehandeling in te pas. Dit lewer langtermyn-resultate. Ek sweer by my terapeut Colleen Serebro van Beauty Professionals in Victory Park, Johannesburg. Sy kan toor met ’n tam vel.
En gebruik olie van kop tot tone. My voete, naelvelletjies en lyf hou ek sag en soepel met lyfolies, en ek verdrink my gesig en hare in fyn, kosbare olies. Onthou net altyd om nie jou hare nat te maak voor jy dit uitwas nie. Wend die sjampoe direk op jou ge-oliede hare aan en voeg water dan drupsgewys by. Anders gaan jy nooit daardie olie uitkry nie!
DANIËLLA VAN HEERDEN,
TVNUUSVERSLAGGEWER EN -NUUSLESER
TRIX VIVIER,
AKTRISE My ma het nog altyd gesê sy glo in gesonde, natuurlike en ongekleurde hare en dat jy ver weg moet bly van hittetoestelle. Ek het dié raad ernstig opgeneem en tot vandag toe nog nooit my hare gekleur nie. Uiteraard word my hare by die werk met hitte gestileer om my te transformeer in die karakters wat ek vertolk. Maar wanneer ek nie op stel is nie, laat ek my hare natuurlik droog word. Tussen kontrakte gebruik ek twee keer ’n week ’n haarmasker of -olie en ek laat sny my punte elke drie maande.
My suster, Meije, studeer tans medies en haar mees onlangse raad is só waardevol dat ek voel álmal moet dit weet: Moenie puisies en swartkoppies uitdruk nie en moenie heeltyd met jou hande aan jou gesig vat nie. Die bakterieë op jou hande versprei as jy aan knoppies druk en veroorsaak net meer velprobleme. Jy kan ook merke veroorsaak wat eers ná weke gesond word. Ek stoom nou my gesig drie keer ’n week en gebruik organiese velsorgprodukte. Ek het ’n jaar laas ’n puisie beetgekry en kry nou verrassend min veluitslae. Beste skoonheidsraad wat jy al aan vriendinne gegee het? Ek volg ’n holistiese benadering: Wat jy eet, hoeveel jy oefen (ek doen vyf keer ’n week joga as ek nie op stel is nie), wanneer en hoe jy ontspan en jou persoonlike en professionele verhoudings het alles ’n uitwerking op jou vel, hare,
naels en lyf.
SONETTE DONKER,
VELSORGKENNER EN EIENAAR VAN DIE ESTETIESE KLINIEK SKIN ID IN JOHANNESBURG Beste skoonheidsraad wat jy al aan vriendinne gegee het? Hulle kla veral oor plooie, puisies en ’n droë vel. As jy ’n puisie of veluitslag ( break-out) kry, is my raad om jou gesig te was en dan ’n blokkie ys in klein sirkelbewegings oor die puisie te vee totdat die ys gesmelt het. Doen dit ’n paar dae lank en sien hoe die puisie opklaar.
Varssitrusgeure, skoon, minimalistiese verpakkings en advertensieveldtogte wat dieselfde produk aan mans én vroue bemark, wys dat die grense tussen skoonheidsprodukte wat net vir een geslag ontwikkel is, besig is om te vervaag. Hoewel die verskuiwing nog nuut is, meen Nicola Cooper, tendenskenner van Johannesburg, dat handelsmerke al hoe meer hieraan gaan begin aandag gee. “Vir die moderne verbruiker speel geslag net nie meer so ’n groot rol in hul keuse van produkte nie,” sê sy.
En hoekom twee koop as jy kan deel? Onlangse navorsing deur ’n Britse skoonheidshandelsmerk, Natural Spa Factory, het bevind dat 30% van Britse paartjies gereeld velsorg- en lyfprodukte deel. Volgens die internasionale navorsingsmaatskappy Mintel is dit ’n tendens wat veral gesien word in lande waar daar ekonomiese onsekerheid is. Verbruikers hou ook van gemak en dit help om die keuse tussen die verskillende skoonheidsprodukte ’n bietjie makliker te maak, sê Nandi Mgobozi, hoof van skoonheidshandelsmerke by Clicks.
Of jy met die man in jou lewe wil deel, of sommer met die hele gesin . . . hiér is ons top-keuses en -wenke vir ’n goedkoper skoonheidsroetine.
3Haarsorgprodukte
As jy sjampoe en opknapper met jou maat deel, maak seker dit is gepas vir albei se haartekstuur. Haarsorgprodukte wat gemaak is om fyn hare volume te gee, kan bv. growwe, krullerige hare uitdroog en kroeserigheid veroorsaak, en andersom.
SoeteAANLOKLIKHEID
Dié geur is vol vrugte en blomme, en daarby ’n unieke geurnoot – stroopsoet heuningkoek. Warm, smeulende reuke soos vanielje, muskus en sederhout maak DKNY Nectar Love (R1 395 vir 100 ml EDP) ook ’n lieflike geur vir die kouer maande.
The Beauty Chef,
oftewel Australiër Carla Oates, op Instagram ontdek. Sy fokus veral op die invloed van dermgesondheid op jou uiterlike skoonheid en gee graag raad oor hoe om die mikroflora in jou maag gesond te hou. Ná ’n paar dae se rondkyk op haar blad het ek summier haar kookboek, The Beauty Chef: Delicious Food for Radiant Skin, Gut Health and Wellbeing bestel. Dis vol brokkies nuttige inligting en interessante kosresepte – ’n moet-hê vir enigeen wat oortuig is skoonheid kom van binne én buite.