Balletdanser Sanmarie Kreuzhuber

Carmen is nie ’n ballet met feetjies en tutu’s nie. “Die meesterlike choreografie deur Veronica Paeper is rou. Die gehoor sal kan identifiseer met haar menslikheid. Almal was immers al verlief en het al hul geliefde gemanipuleer.” Só sê

Sanmarie Kreuzhuber

wat van 6-15 April in dié gelyknamige rol teenoor die Brasiliaan Ruan Galdino (haar geliefde) in die Joburg-teater in Braamfontein te sien is. Dié solis van die Joburg Ballet dans reeds sedert sy drie jaar oud is en het ook die titelrol in 2010 gedans. Die geselskap word begelei deur die Johannesburgse Filharmoniese Orkes.