365 dae VIR UBUNTU
Een tree op ’n slag. Met dié mantra beoog Andrew Patterson (38, foto) van Kaapstad om sy doel vir 2018 te bereik. Hy klim vanjaar elke dag Tafelberg uit om R1 miljoen in te samel deur die Backabuddyskarefinansiering-platform. Sy 365 Ubuntuclimbs-inisiatief is ten bate van liefdadigheid. Andrew het besluit om ’n jaar van sy lewe aan ander af te staan nadat hy verlede jaar afgelê is. Teen druktyd het verskillende mense, ook internasionale klimmers, hom al vergesel. www.backabuddy.co.za