Dís jou kans!
ANSOLET ROSSOUW,
internasionale model DIT WAS DIE OOMBLIK . . .
Dis byna soos jou eerste soen, beskryf die 18-jarige model van Bloemfontein die gevoel voor sy op die loopplank in modestede soos Milaan en Parys uitstap en moet skitter. “Ek is net 200 000 keer meer senuweeagtig. Maar dis die soort opwinding wat lei tot ongekende vreugde. Jy stap uit, die ligte skyn op jou, en dis jóú oomblik,” het sy aan W24 gesê. Ansolet is deur ’n Kaapse modelagentskap op Instagram ontdek. Sy glo in haarself, wil nie iets probeer wees wat sy nie is nie. En sy het gou geleer: jy is sterker as wat jy dink. “As jy by ’n oudisie kom en jy sien groot name soos Kaia Gerber, kan jy in jouself begin twyfel. But you need to own it.” Net Chanel het haar ontwyk. Maar toe die legendariese Karl Lagerfeld, kreatiewe reus van dié topmodehuis, vroeër vanjaar by die keuring vir ’n Paryse modevertoning was, het sy vir haarself gesê: “Dís jou kans, Ansolet!” Sy het na hom gestap en haarself voorgestel. Daarna het sy die oproep gekry – sy was ín. ST
Poësie in stories
NADIA DAVIDS, en dramaturg
Toe DIT WAS DIE OOMBLIK . . . Nadia sewe jaar oud was, het haar ma vir haar ’n notaboekie gegee om haar stories neer te skryf. “Ek het kleintyd al toneelstukkies opgemaak wat die kinders in die familie sou opvoer. Ek het nog altyd geweet dís wat ek met my lewe wil doen.”
Haar toneelstukke – At Her Feet, Cissie en What Remains – het haar al sewe Fleur du Cap-toekennings besorg en is selfs in Amerika en Brittanje opgevoer. Haar debuutroman, An Imperfect Blessing (Umuzi), is in 2014 as die radiostasie 702 se boek van die jaar aangewys.
Haar ouers se aanmoediging en hoe hulle ander mense hanteer het, het van haar ’n goeie skrywer gemaak. “Ek het die vermoë om te luister by my ma en pa, Shereen en Joe, geleer. Hulle sou altyd groot genot uit mense se stories kry. Hulle het my gewys daar’s ’n soort poësie in alledaagse stories – in mense se eie vertelritme, hul grappies, hoe hulle betekenis aan hul stories gee.” Sy het daardie luistervermoë deur die jare verskerp en gebruik dit as sy skryf.
DDT