K ON KLE STORIES! WAAROM GLO ONS DIT? Dis
Klimaatsverandering ’n foefie! Die wêreld is besaai met gekke stories. En baie van hulle glo ons. Hoekom? Die antwoord lê dalk in ons DNS
die einde van die wêreld en dit skeel jou min? Mos nie die eerste keer dat dit ons gaan tref nie.
23 April sou D-dag wees, volgens die Amerikaanse sameswering-teoretikus David Meade. Toe nie. Die aardbol tol steeds voort om sy as.
Ons is gespaar van die geheime planeet Nibiru (ook genoem Planeet X) wat teen die aarde sou bots. Die teorie dat dit eendag Armageddon gaan veroorsaak, doen sedert 1995 die ronde. Nancy Lieder, wat glo deur ruimtewesens ontvoer is, is deur hulle daarvan verwittig. Sowaar!
Meade het reeds twee keer vantevore die wêreld se einde voorspel. Jy sou dink hy het lankal alle geloofwaardigheid by sy volgelinge verloor. Nietemin het mense oorlewingsgidse en huise in Nieu-seeland gekoop ter voorbereiding van die katastrofe, volgens www.cnbc.com.
Hulle is om ons. Mense wat sulke konkelstories glo.
< Volgens peilings die afgelope dekade of so glo sowat die helfte van Amerikaners hul regering steek iets rondom die 9/11-aanvalle weg. Sowat 4 uit 10 reken klimaatsverandering is ’n wetenskaplike foefie. En ’n derde dat die regering iets oor ruimtewesens verdoesel. ’n Kwart is bekommerd oor die New World Order (’n geheime totalitêre wêreldorde). Nog 4% dink reptiele wat ’n menslike vorm kan aanneem, het regerings binnegesypel en manipuleer die wêreld. Sowat 7% was net nie heeltemal seker daarvan nie.
Lawwe Yanks! Of wag, nie so vinnig nie. Bes moontlik ken ook jy iemand wat ’n paar sulke gek stories glo. Dalk glo jý daarin. Die meeste van ons hang waarskynlik minstens een aan. Sulke teorieë weerspreek die algemeen aanvaarde verklaring vir ’n gebeurtenis of verskynsel. Dus die doodgewone verduideliking daarvoor. Dikwels is daar ’n verborge, kwaadwillige mag wat probeer om ’n gruwelike doelwit te bevorder.
“Nuuskierigheid is in ons DNS ingebou, ’n behoefte om te weet, te verstaan,” sê dr. Helgo Schomer, sielkundige en motiveringspreker van Kaapstad. “Ons vra gedurig hoekom dinge gebeur . . . en kom net so vinnig met antwoorde na vore. Dalk belaglike antwoorde, nie gegrond op feite of die waarheid nie. Dikwels het dit meer ten doel om ons te troos, by ons wêreldsiening in te pas. Dis waar samesweringsteorieë inkom. Selfs ’n vals verduideliking (of teorie) is steeds een wat ons ’n gevoel van gerustheid, sekerheid en begrip gee.” Dus: Ons wil antwoorde hê, selfs al is dit nie die waarheid nie.
Mos ’n vreemde spulletjie, is die stereotipe prentjie van die mense agter sulke teorieë. ’n Klein maar gek groepie randeiers wat in kelderverdiepings woon, middeljarige mans, intelligente buitestanders met ’n eksentrieke benadering tot navorsing.
Vroue doen egter net so graag mee, volgens Suspicious Minds. Opleiding en inkomste maak ook nie juis ’n verskil nie. Hul geledere sluit effens meer mense in wat nie hoërskool
Sal pro-immunisering-veldtogte ouers se houding teenoor die Mmr-entstof (teen masels, pampoentjies en Duitse masels) verander? Om dit te toets is sowat 2 000 Amerikaanse ouers by ’n studie betrek. Wêreldwyd is daar ’n verdagmakery teen dié entstof weens ’n beweerde verband met outisme. Dit ten spyte daarvan dat geen wetenskaplike bewyse bestaan dat dit jou kind kan benadeel nie.
Nie een van die studie se ingrepe het gewerk nie. ’n Inligtingstuk wat fokus op die gebrekkige bewyse vir ’n verband tussen outisme en die Mmr-entstof het wanopvattings daaroor skynbaar verminder. Tog het dit nie ouers laat afsien van hul voorneme om nié hul kinders te laat inent nie. Foto’s van kinders met masels, pampoentjies en Duitse masels het net die geloof versterk dat die entstof outisme veroorsaak. Terwyl ’n dramatiese storie van ’n siek kindjie wat byna dood is weens masels hulle net meer oortuig het die entstof is gevaarlik.