ALMAL MIK HOËR VIR LIEFDE

Mik jy vir kandidate “buite jou liga” as jy ’n kans waag met die liefde? ’n Groot nuwe Amerikaanse studie wys mans én vroue wat afspraak-webwerwe gebruik, doen dit en die meeste het uitgereik na potensiële maats wat sowat 25% meer “begeerlik” as hulle is. Dié bevinding is gemaak deur sosioloë aan die Universiteit van Michigan, wat boodskappe van meer as 186 000 mense op ’n gewilde afspraak-webwerf in vier groot stede ontleed het. Net hoe gesog of begeerlik jy is, word bepaal deur hoeveel boodskappe (en reaksies daarop) jy van ander gesogte kandidate gekry het. Volgens dié studie is ’n vrou op 18 op haar gesogste en ’n man op 50 jaar!