WONDERLIKE VERSKEIDENHEID
Hierdie reënboognasie van ons verruil ek vir niks in die wêreld nie. Ons land het ’n reënboog van ras, taal, geloof en kultuur en dis juis wat dit so uniek maak. 2018 is ekstra spesiaal omdat ons die voorreg gehad het om Mandela se 100ste verjaardag te herdenk. Ek kan myself nie indink om in ’n land te woon sonder so ’n wonderlike verskeidenheid nie.
Ons spyskaarte is net so
kleurryk soos ons land en sy mense. Hier kan ons kies tussen boerekos en stywepap, samoesas, Indiese kerrie, Chinese geregte, Griekse slaaie, Franse spesialiteite, Portugese brode en sommer net ’n lekker vis- parcel met slaptjips.
Reis deur ons land, dan is daar niks mooier nie as sneeukomberse op die berge, dik wolke wat saampak, pragtige watervalle, groen wingerde, vrugteboorde . . .
Al trek ons swaar aan ’n sukkelende ekonomie, weet ek hierdie reënboognasie het gekom om te bly in ons pragtige Suid-afrika. Marina Stain-alberts, Kraaifontein