WAATLEMOEN-ENBESSIEPONS MET YSKRANS
(bl. 106) Die yskrans wat bo-op dryf, lyk indrukwekkend en sal jou pons lank koud hou. genoeg vir 1 liter
200 g bloubessies 200 g kersies hande vol vars kruie (suurlemoenverbena is geurig) 500 g waatlemoen 1,5 liter bessiesap 1,5 liter bosbessie-ystee (sien “Spaar tyd”) 750 ml rosé-vonkelwyn 750 ml rosé-wyn
Kook 2 liter water en laat afkoel. Kook weer en laat afkoel tot koud – gekookte water maak ys deursigtig. Vul ’n patroonkoekpan met volume van 2 liter met bessies, kersies en kruie. Gooi afgekoelde water oor en plaas oornag in vrieskas. Puree waatlemoen en druk deur sif. Meng waatlemoensap met res van bestanddele. Giet in groot ponsbak. Doop koekpan met ys vinnig in kookwater en maak yskrans los. Plaas in pons en sit voor.