PAMPOENPOFFERKERSKRANS MET SPEKULAASKARAMEL

(bl. 105) Jy kan dié krans met gekoopte poffers maak, die sous is die belangrikste. Party mense sal wel stry of pampoenpoffers nagereg of bykos is, maar jy kan self kies – in my huis is dit bykos! genoeg vir 6

200 g (250 ml) suiker 75 g (80 ml) botter 100 ml water

250 ml room 15 ml gemengde speserye 3 x 380 g-bakkies pampoenpoffers (sien “Spaar tyd”) 100 g okkerneute, grofgekap 5 spekulaaskoekies (kyk by deli’s)

Plaas suiker, botter en water in middelslag-pot. Bring tot kookpunt en roer oor lae hitte met houtlepel tot suiker gesmelt het. Verhoog hitte en kook tot goue karamel vorm, so 8-10 minute. Voeg room en speserye by. Meng en bring weer tot kookpunt. Laat sous afkoel tot louwarm. Verhit poffers in warm oond. Pak in die vorm van ’n Kerskrans op groot dienbord. Skep warm sous oor en krummel neute en spekulaaskoekies oor. Sit voor.