ROOIFLUWEELTRIFLE

(bl. 102) Dié weergawe met sjokolade en rooifluweelkoek is heerlik! genoeg vir 6

30 ml gelatien 60 ml water 100 ml melk 100 g witsjokolade, fyngekap 125 ml melk 300 g donkersjokolade, fyngekap 4 rooifluweel-sponskoeke (sien “Spaar tyd”) 100 ml sjerrie (opsioneel) 500 ml room 200 g gekoopte koekiedeeg (kyk by vrieskaste in supermark) versiersuiker vir oorsif

Week gelatien in water tot sponsagtig. Bring 100 ml melk tot kookpunt. Verwyder van hitte en roer witsjokolade by tot gesmelt. Voeg geweekte gelatien by en roer weer tot gesmelt. Hou eenkant by kamertemperatuur. Bring 125 ml melk tot kookpunt en voeg donkersjokolade by. Roer tot gladde mengsel. Plaas eerste sponskoek onderin trifle- bak van jou keuse. Sprinkel ¼ van sjerrie oor (opsioneel). Skep ¼ van donkersjokolademengsel oor sponskoek. Klits room tot sagte punte vorm en vou by witsjokolademengsel. Skep ¼ oor donkersjokolademengsel en smeer gelyk. Herhaal met res van sponskoeke. Eindig met mousse. Laat stol vir 4 uur of oornag in yskas. Verhit oond tot 180 °C. Rol koekiedeeg uit en sny Kersboompatroon van jou keuse. Bak vir 8-10 minute. Druk in gestolde trifle en sif versiersuiker oor. Sit voor met vars bessies, soos frambose.