SLAPHAKSKEENGROENTE

(bl. 104) Slaphakskeentjies gemaak van klein piekeluie in soetmosterdsous was deel van meeste van my Kersfeeste as kind. Die groot lekker is eintlik die mosterd en nie die uie nie. Probeer hierdie weergawe. genoeg vir 6

400 g Franse groenbone 400 g vars aspersies (groen en wit) 350 ml soetmosterdsous (sien “Spaar tyd”) 125 ml lemoensap sout en varsgemaalde swartpeper

Bring middelslag-pot met water tot kookpunt en dompel bone en aspersies in kookwater vir 1 minuut. Dreineer en hou eenkant. Meng mosterdsous en lemoensap in klein pot en roer oor lae hitte tot warm – moenie dit laat kook nie, anders gaan dit skif. Pak groente op dienbord en geur met sout en peper. Skep sous oor en sit voor.