REIS SOOS ’N STER!

Enige tyd, enige geleentheid, maak nie saak hoe groot of klein ’n groep is nie, Magic Transfers sal jou veilig by die regte adres besorg, soos SARIE Voorbladgesig se Top-10 kan getuig

Bevindjy jou in Johannesburg, Durban of Kaapstad, hoef jy nie verder as Magic Transfers te soek om na en van die lughawe te vervoer nie. Dié diens is 24 uur van die dag, 7 dae van die week, al 365 dae van die jaar beskikbaar. Boonop bied hulle ook korporatiewe vervoer en vervoer vir geleenthede soos kantooruitstappies, sodat almal kan ontspan en nie bekommerd hoef te wees hoe hulle by die huis gaan kom nie.

Kliënte kan na gelang van hul behoefte kies uit drie verskillende groottes voertuie (’n luuksemotor, minibussie of bus) en vir jou gerief kan gedetailleerde skedules vooraf gereserveer word.

Magic Transfers se bestuurders het almal ’n professionele rybewys en hul besonderhede word vooraf aan kliënte verskaf vir jou veiligheid. So sit terug en geniet die rit.

Tydens die verfilming en fotosessies van SARIE Voorbladgesig 2018 het Magic Transfers gesorg dat die Top-10 veilig gereis het en seker gemaak almal hou by hul besige skedules.