Woonidee
Dienuutste tendens is om een van jou mure te plak met papier waarop ’n reuse-ontwerp gedruk is, veral iets uit die natuur. Dit is nóg ’n manier om die grense tussen buite en binne te laat vervaag. Die minimum meubels is nodig in so ’n ruimte. Die plakpapier is beskikbaar in lengtes van 3 meter en so breed soos jy begeer, sodat die prent nie gelas moet word nie. Laat dit liefs professioneel installeer. Die plakpapier is van Cara Saven Wall Design (www.carasaven.com), wat ’n volledige diens vir installering bied.