Spoegwolf

HOU PIEKNIEK

Die Afrikaanse musiekgroep Spoegwolf, in 2012 op Stellenbosch gestig om hul studentehuur te betaal, tree vandeesmaand by die jaarlikse somer-piekniekkonsert by Overhex Winery & Bistro naby Worcester op. Die vier musikante, (van links) broers Moskou en Danie du Toit, Albert van der Merwe en Chris von Wielligh, se vierde album, Koma, word in Februarie uitgereik. Vir meer oor die konsert op 26 Januarie, besoek Overhex Winery & Bistro op Facebook. Kaartjies: R250 p.p. by die kelder of stuur e-pos na functions@overhex.com. * Spoegwolf is ook 1 Februarie in Potchefstroom te sien.

Werk jy ook regdeur ete? Volgens ’n peiling deur Career Junction neem net 1 uit elke 3 SuidAfrikaners hul volle etensuur. Die gemiddelde Suid-afrikaner werk twee en ’n half jaar oortyd in hul leeftyd – meer as R500 000 se gratis werkure, volgens hul somme. Studies wys egter jou fokus, kreatiwiteit en breinkrag kry ’n stewige hupstoot as jy jou etensuur neem – en dit maak jou meer produktief.