BLOUTREIN BO

’n Butler wat 24 uur van die dag tot jou diens is, varsbereide vyfgangetes opgedis in silwer, kristal en beenporselein, wêreldklas-konjak en handgemaakte Kubaanse sigare . . . En dit alles terwyl die wêreld verby jou treinvenster swiep. Suid-afrika se ikoniese Bloutrein, wat jou al dié dinge bied, is die tiende keer agtereenvolgens aangewys as Afrika se voorste luuksetrein by die World Travel Awards Africa & Indian Ocean 2018, wat in Durban gehou is. Die wenners word deur verbruikers en kenners in die reis- en toerismebedryf gekies.