GRYP DIE OOMBLIK!

Elke dag is ’n geskenk, ’n nuwe moontlikheid, ’n nuwe begin.

En vanjaar wil sy Zulu leer, want sy reken dit moet ongelooflik wees om in ’n ander taal as Afrikaans (of Engels) toneel te speel.

Só vertel die aktrise Cindy Swanepoel, bekend vir haar rolle as dr. Annelize Roux in die sepie Binnelanders, Boeps in die kyknet-drama Getroud met rugby, asook die deerniswekkende fluitende predikantsvrou in die kortfilm Fluit Fluit. Vir dié rol is sy verlede jaar as beste aktrise by die kyknet Silwerskermfees aangewys.

“Ek sit ook met ’n kinderproduksie wat ek wil ontwikkel in my kop”, en in September speel sy in ’n rolprent waaroor sy nog nie veel mag verklap nie. Nog doelwitte, sê sy, is om fiks te word, gesond te eet en meer te reis.

En, o ja, sy hoop dr. Annelize vind tog daai ware liefde!