‘Branderplankry gee my nuwe lus vir die lewe’
LAUDO LIEBENBERG, AKTEUR EN SANGER VAN DIE ROCKORKES AKING
Laudo voel goed as hy sing en toneelspeel – maar as hy hom vir die lewe wil “rat”, ry hy branderplank.
Kleintyd op Hermanus was hy al lief vir die see. ’n Jaar gelede, toe hy Milnerton toe getrek het, het hy weer sy duikpak ontdek en begin branderplankry. “In die stilte van die golwe besef ek my nietigheid. Ek is oukei daarmee. In die water kry ek nuwe lus vir die lewe. Vergeet van bekommernisse wat my soms opvreet.”