In die kombuis
Wil jy jou kombuis higiënies en netjies hou? Jy kan op MAQ se trio van produkte staatmaak om jou te help.
1. Maak oppervlakke skoon terwyl jy werk 2. Algemene skoonmaakwenke:
• Skrop snyplanke elke keer ná jy dit gebruik het. Voeg ’n paar druppels MAQ dik bleikmiddel in die afspoelwater.
• Maak die wasbak en droograk elke dag skoon. Spuit ’n bietjie MAQ dik bleikmiddel in die drein se stopgat om te keer dat vet opbou en dit sleg ruik.
• Maak die drom in die kombuis elke dag skoon en spoel dit uit met ’n oplossing van MAQ se dik bleikmiddel.
• Was elke dag die kombuislappe uit en voeg ’n paar druppels MAQ dik bleikmiddel by die afspoelwater. Laat dit droog word voor jy dit weer gebruik.
3. Hou die skottelgoed skoon
• Om aanbrandsels van potte en panne te verwyder, gooi kookwater in die pot/pan, en spuit ’n bietjie MAQ skottelgoedseep in die water. Laat die water in die pot/pan oor ’n lae hitte prut.
• Wanneer die aanbrandsel sag geword het, was in ’n gewone oplossing van MAQ skoonmaakmiddel.
• Om glas en kristal te laat blink, maak ’n warm, seperige oplossing van MAQ skottelgoedseep. Laat die glas ’n rukkie week, en spoel dit dan af met ’n mengsel van 1 koppie asyn en 3 koppies water. Laat dit vanself droog word en poets dit daarna met ’n linnelap.
• Om verkleurde aluminiumpanne skoon te maak, laat die pan prut met asynwater of ’n mengsel van water en appelskil, en bring tot by kookpunt.
• Potte van vlekvrye staal moet gevryf word met ’n lappie wat in brandspiritus gedoop is, en daarna in ’n sterk oplossing van MAQ skottelgoedseep gewas word. Spoel af, droog dit af en poets met ’n sagte lap om dit te laat blink.
4. Laat jou kookvlak blink
Kookvlakke en plate kom in ’n verskeidenheid van afwerkings – emalje, glas of keramiek. Gebruik ’n nat spons met ’n klein bietjie MAQ romerige reiniger om jou oppervlakke skoon en blink te hou. Raak ontslae van aanpaksel deur die plaat effens te verhit en ’n bietjie van MAQ se romerige reiniger direk op die aanpaksel aan te wend. Los dit vir ’n rukkie aan, en vee dit dan af. Jou kookvlak sal weer silwerskoon en sonder krapmerke wees.
5. Mop die vloere
As jy weer jou teëls skitterblink wil hê, spuit ’n bietjie van die MAQ dik bleikmiddel in ’n emmer met vyf liter water. Mop die vloer daarmee en laat dit droog word.