In die badkamer
Almal moet die badkamer gebruik. Om seker te maak dis higiënies, vars en veilig, moet jy dit daagliks ontsmet met produkte wat spesiaal geformuleer is daarvoor.
1. Die bad, wasbak en krane
Spuit bietjie MAQ romerige reiniger op ’n nat spons en vee vuil merke in die bad of wasbak af. As jy van die donker ring om die bad ontslae wil raak, spuit van die MAQ romerige reiniger op die ring, laat dit vir tien minute staan, en vee dan af. MAQ romerige reiniger raak ook ontslae van olierige en vuil merke op krane, sodat hulle weer blinkskoon kan wees.
2. Aanpaksel op die stortteëls
Verwyder alge en swart merke uit jou stort met ’n mengsel van MAQ se dik bleikmiddel (30 ml/5 liter) en was die teëls. Maak die bryvulling ( grouting) skoon deur ’n ou tandeborsel in MAQ se dik bleikmiddel te doop en dit daarmee af te borsel.
3. Stort, wasbak en propgate
Verwyder stukkies kos wat in die propgate agtergebly het. Spuit MAQ se dik bleikmiddel in die propgat, laat dit vir drie minute staan, en spoel dit dan weg met water.
4. Toiletborsels
Laat toiletborsels week in ’n mengsel van MAQ se dik bleikmiddel (50 ml/5 liter), spoel af en laat droog word.
5. Stortgordyne
Verwyder alge met ’n oplossing van MAQ se dik bleikmiddel (30 ml/ 5 liter). Was die gordyne met die mengsel, spoel af en laat droog word.
6. Kamme, tande-, nael- en haarborsels
Maak ’n sterk oplossing van MAQ se skottelgoedseep en was behoorlik. Voeg ’n paar druppels van MAQ se dik bleikmiddel by die afspoelwater, en laat dit vir tien minute week. Spoel af en laat droog word.
7. Toilet
Spuit van MAQ se dik bleikmiddel rondom die toiletbak en in die water. Laat ’n halfuur lank staan voordat jy die toilet spoel. Vee die toiletsitplek, deksel, handvatsel en spoelbak af met ’n verdunde mengsel van MAQ se dik bleikmiddel.
Wenk: Om van reuke ontslae te raak, spuit van MAQ se dik bleikmiddel onder die rand van die toilet en laat dit oornag staan.