3AAN VRAE ...

JANE WURWAND, stigter van die velsorghuis Dermalogica, bekend vir haar passie vir velsorg en opleiding van terapeute asook haar entrepreneursgees.

Wat is jou sakeraad aan ander? Om ’n goeie entrepreneur te wees moet jy van nature selfvertroue, vasberadenheid en entoesiasme hê. En natuurlik ’n goeie idee. As jy die grootste “pyn” of klagte in ’n bedryf kan raaksien, het jy ook die grootste geleentheid in die bedryf geïdentifiseer. Wat is die waarde van ’n goeie velsorgterapeut en -salon? Met tegnologie wat ons lewe oorneem, is fisieke aanraking en menslike konneksie belangriker as ooit. Een van die min plekke waar jy nog die krag van aanraking kan ervaar, is by ’n professionele velsorgsalon. Ek glo ons bedryf het ’n groot rol te speel om mense weer te verbind en terselfdertyd te sorg vir uitstekende resultate vir jou vel. Watter nuwe tendens in die velsorgwêreld maak jou opgewonde? Ons stel baie belang in die ál groter rol wat vriendelike bakterieë in velsorg speel. Soos wat dit in jou ingewande gesondheidsvoordele kan inhou, kan die mikrobes op jou vel dalk ingespan word vir ’n gesonder vel. Ons kyk dus na die ontwikkeling van produkte wat saam met die vel se natuurlike mikroflora werk, sodat jou vel homself beter kan beskerm, herstel en versterk.