GEEN REDIGERING, SÊ DOVE
Danksy Dove se Real Beauty Pledge, ’n veldtog waarin dié skoonheidshuis hulle verbind tot die bemagtiging van vroue en die viering van ware, unieke skoonheid, verskyn daar nooit modelle in Dove se advertensies nie, net gewone vroue soos hulle in die regte lewe lyk. Nou word dié verbintenis verder gevat met die bekendstelling van hul No Digital Distortion Mark. Voortaan sal ’n spesiaal ontwerpte simbool op alle Dove-advertensies wys dat die foto’s geensins digitaal geredigeer is nie. Só wil die skoonheidshuis vroue in staat stel om te kan onderskei tussen onrealistiese skoonheidstandaarde en alledaagse vroue wat hul natuurlike skoonheid vier, luidens ’n mediaverklaring.