BIO-IDENTIES, WAT?
Die volgende is ’n strydpunt tussen meer konvensionele medici en mediese dokters wat fokus op ’n interaktiewe (’n mengsel van Westerse medisyne en minder konvensionele behandelings) en
funksionele benadering (soek die onderliggende oorsaak van ’n kwaal) tot hormoonversteurings en teenveroudering. “Bio-identies”: Hormone wat sinteties van plantprodukte in ’n laboratorium gemaak word en dieselfde molekulêre struktuur as jou liggaam het. Dieselfde plantbronne (soos soja en jamswortel) word soortgelyk verwerk vir sommige van die hoofstroom-hormoonterapie (HT). Dis dus ook “bioidenties”. Moenie “bio-identies” verwar met planthormone of fitoestrogeen wat in die natuur voorkom nie. Hoofstroom-ht word deur die Medisynebeheerraad goedgekeur en verpak as standaard-dosis formulerings (tablet, jel, ens.). Bio-identies saamgestelde hormone, daarenteen, word volgens jou individuele behoeftes deur ’n apteker gemeng. Dis beskikbaar in pilvorm, ’n room of inplanting onder jou vel. En dieselfde skedule as hoofstroom-hormone – jy het dus ’n doktersvoorskrif nodig.