DIE SON MAAK JOU MÓÉG
Jy gee jouself aan die ledigheid oor, tog voel jy ná ’n dag in die son só tam. Veral op ’n warm dag werk jou liggaam oortyd om jou liggaamstemperatuur by die gemiddelde 37 °C te hou. Jy sweet dus meer en dit vereis meer energie. Nog ’n rede is bloot dehidrasie. As jy boonop sonbrand kry, werk jou liggaam nog harder om die temperatuur te reguleer en gehidreer te bly. Maar onthou, daar is ’n verskil tussen tamheid ná ’n dag in die son en hitte-uitputting. Simptome is dan onder meer erge sweet, ’n vinnige pols en tamheid saam met slaperigheid. (Sien ook bl. 133 vir simptome van dehidrasie.) Bron: refinery29.com