Nog 5 Sarie-lesers kan elk Pieter-dirk Uys se Weerklink van ’n wanklank (Tafelberg, R280) wen.

In dié roerende memoires tree die mens agter die SA ikoon vir die eerste keer te voorskyn. Sy openhartige vertelling sal jou soms in trane hê, net om jou dan weer te laat skaterlag. Memoires oor sy teaterloopbaan is al gepubliseer, maar nog nooit het hy só eerlik oor sy eie familie gepraat nie: sy moeilike, musikaalgedrewe pa, sy briljante, geheimsinnige ma, sy suster die pianiswonderkind, en Sannie Abader, wat die Uyshuishouding regeer het. Dan is daar sy Paarlse ouma wat hom neem om by die Verwoerds te gaan kuier, sy vriendskap met Sophia Loren, die geboorte van Evita Bezuidenhout, en die vreugdes en hartseer van sy merkwaardige lewe.