IETS OM OOR TE GIGGEL
Nadat die fliekweergawe van die ikoniese musiekblyspel Cats klaaglik by die loket én resensente misluk het (dis in Maart met ses Golden Raspberry-toekennings “bekroon”, onder meer vir vrotste fliek), het dit skielik ’n nuwe, waarderende gehoor gekry. En dít danksy die coronavirus. In Amerika was dit ’n groot teenvoeter vir selfisolasie. Groot groepe mense het “saam” daarna gekyk op vermaaklikheidswebwerwe of via video chat. Toegegee, dit was om saam te giggel (al ooit vir dame Judi Dench in ’n digitaal-geskepte “katpels” gesien?), maar om te lag is immers die beste medisyne.
The Guardian