hanri HUMAN
Op skool het almal haar geken as ‘daai meisie met die kamera’. Nou, op 28, is sy ’n gesogte troufotograaf – ook oorsee. En mode is volgende in haar visier
Demi-Leigh Tebow (Nel-Peters), Amalia Uys, Nadia Beukes, Jacques Kallis, Adriaan Strauss
. . . dit klink soos die uitnodigingslys vir ’n rooitapyt-toekenningsaand. Maar al dié bekendes het een ding gemeen: pragtige troufoto’s deur Hanri Human.
Hanri se CV is ook nie beperk tot plaaslike troues nie. Vanjaar het sy ’n troue by die luukse Ritz-hotel in Parys gaan afneem, en sy het al paspoortstempels van Italië, Nederland, Duitsland en Switserland deur haar loopbaan versamel.
Haar seegroen oë blink as sy daaroor gesels in ’n koffiewinkel naby haar huis in Pretoria. Dis maklik om te sien hoekom sy so gewild is by bruide. Buiten haar uitstekende vermoë as fotograaf is sy van nature borrelend, vrolik en vriendelik
– en natuurlik wil jy so iemand daar hê op jou troudag, wat saam met jou opgewonde is oor alles wat gebeur.
Hanri in Doebai, waar sy verlede jaar ’n advertensieveldtog vir Scarlett Fashion geskiet het. Sy wil graag meer modefoto’s neem – en het duidelik ’n aanslag.
Hanri reis die wêreld vol vir haar werk. Hier het sy ’n troue in Verona, Italië, afgeneem.
“Dit was so ’n voorreg om Demi-Leigh se troue te kon fotografeer. Sy is beeldskoon van binne tot buite!” sê Hanri oor die troue. Sy het Demi op die dag eksklusief vir SARIE afgeneem en spesiaal ook die Maart-voorblad geskiet – Hanri se eerste voorblad vir SARIE.
Sy laat al haar bruide soos modelle lyk, soos Vivian da Costa hier. Beeldskone
Demi voor Hanri se lens.
Selfs Hanri se stadsfoto’s, soos dié een van Doebai, lyk romanties.
3.
4.
5.
7.
2.
6.