WAT IS IN ’N NAAM
Covid-19. Sonder tierlantyntjies, eenvoudig: COronaVIrus Disease 2019. Veroorsaak deur die Sars-CoV-2-virus, oftewel “ernstige-akute-respiratoriese-sindroom-coronavirus-tipe-2”. Coronavirusse is ’n groep verwante “goggas” wat siektes van die asemhalingstelsel veroorsaak. Dit kan wissel van seisoenale verkoue, wat ons almal een of ander tyd kry. Tot meer dodelike toestande, soos Covid-19 en Sars, waaraan 774 mense wêreldwyd in 2002-2004 dood is. Dit het ’n kroonagtige vorm onder ’n mikroskoop (“corona” kom van “kroon” in Latyn en “korōnē”, of “sierkrans”, in antieke Grieks).