DIE GROOT GRIEP – ’N ‘SLAGTING’

In die moderne wêreld het geen ander siekte nog op dieselfde skaal as die coronavirus versprei nie. Die naaste parallel is die Groot Griep-pandemie van 1918, ook bekend as die Spaanse griep. (Die Spaanse koerante het eerste daaroor verslag gedoen, hoewel dit waarskynlik nie daar ontstaan het nie.) Dit was inderdaad die laaste werklike wêreldwye pandemie – tot nou toe. Sowat ’n derde van die wêreldbevolking het destyds dié akute asemhalingskanaal-infeksie opgedoen. Volgens konserwatiewe beramings is 20 miljoen mense dood, maar dit kon tot in die omgewing van 50 miljoen wees. Daarteenoor het 9 miljoen mense in die Eerste Wêreldoorlog in veldslae gesterf. Die Asiese (1957) en Hongkong-griep (1968) het saam ’n geskatte sowat 2 miljoen lewens geëis. En varkgriep (H1N1) sowat 600 000 die eerste jaar (2009) wat dit sirkuleer het.

Só groot was die menslike verlies in die 1918-pandemie dat baie dokters steeds daarna verwys as die “grootste mediese