DIE OU DEBAT

Die druk om te oorleef en vooruitgang te maak het gelei tot die begeerte om ’n geneigdheid tot sukses of mislukking te voorspel. Die Engelse wysgeer Francis Galton het die frase “nature versus nurture” in 1869 geskep en sedertdien is dit een van die grootste filosofiese debatte. Dok Danie Craven het glo gesê as jy ’n Springbok-rugbyspeler wil word, beter jy jou ouers reg kies.

Vir hom het dit suiwer oor genetika gegaan. In Dok Craven se dae was dit dalk eerder die geval, soos met die oudSpringbokkaptein Morné du Plessis en sy pa, Felix, wat ook kaptein van die Springbokspan was, en sy ma, Pat, kaptein van die SA hokkiespan. >