Lulu & Marula Nourishing Treatment Oil (R400). Besoek luluandmarula.co.za Optiphi Classic Pure Exfoliating Wash (R450). By uitsoeksalonne Nimue Hyaluronic Ultrafiller (R1 180). By uitsoeksalonne African Extracts Rooibos Multi-Protect Moisturiser SPF 30 (R173). By Dis-Chem en Clicks
Wêreldwyd is daar ’n reuse-toename van jonger vroue wat vir voorkomende estetiese behandelings gaan om onder meer plooie en ’n verlies aan volume te keer. Dié neiging staan bekend as “prejuvenation”. Volgens dr. Jan Nel, algemene en estetiese dokter by GenPrac in Kaapstad, gebeur dit ook plaaslik. “In my praktyk sien ek ’n eksponensiële toename in vroue en mans onder 30 wat kom aanklop vir nie-chirurgiese prosedures. Met soveel nie-indringende behandelings beskikbaar, het die jonger geslag meer beheer oor die verouderingsproses en neem hulle dit baie ernstiger op as vroeër generasies.” Van die gewildste behandelings is botulinum-inspuitings (Botox), chemiese afskilfering en mikronaald-behandelings.