Jy gaan dié gereg voorsit en niemand gaan eens wonder waar die vleis is nie. Glo my, dis hemels!

genoeg vir 6

45 ml olyfolie

1 ui, fyngekap

30 ml vinkelsaad

30 ml rissievlokkies

45 ml gerookte masala

20 ml borrie

2 lourierblare

2 x 410 g-blikke klappermelk

1 x 410 g-blik gekapte tamaties 1 hand vol koljander, fyngekap sout en varsgemaalde swartpeper

4 groot patats, skoon geskrop in water ongegeurde veganistiese jogurt vir voorsit

Verhit olie in middelslagpot tot warm. Voeg ui, vinkelsaad en rissievlokkies by. Roerbraai so 5 minute of tot uie begin verbruin – as dit lyk of die speserye begin brand, gooi ’n bietjie water by. Voeg res van speserye vir die sous by en roerbraai vir nog 5 minute of tot mengsel geurig is. Gooi klappermelk en tamaties by. Meng deur. Verlaag hitte en laat stadig prut vir 20-25 minute of tot dik, romerige sous vorm. Roer vars koljander deur. Geur goed met sout en peper. Verhit oond tot 180 °C. Sny patats in skywe van so 1,5 cm dik. Pak in enkellaag in oondroosterbak. Gooi kerriesous oor. Bak vir 25-30 minute of tot patats gaar is en begin verbruin. Sit voor met veganistiese jogurt. (bl.

132) Sabayon is ’n klassieke Franse skuimsous wat met eiergele en madeirawyn gemaak word. Vir dié resep gebruik ek springmieliestroop wat jy by onlinebeveragestore.co.za kan koop. Dis eintlik maar ’n vla wat geklits word.

200 g (250 ml) suiker

500 ml water

1 vanieljepeul, saadjies uitgekrap 6 geelperskes, ongeskil 4 eiergele

125 ml springmieliestroop of muskadelwyn

50 g strooisuiker

100 g gespringde springmielies

Plaas suiker en water in middelslagpot en bring tot kookpunt. Voeg vanieljesaadjies by. Sit geelperskes in warm suikerstroop. Verlaag hitte en laat stadig prut tot perskes sag is, maar nie pap nie. Laat afkoel tot yskoud in stroop. Kook water in ’n pot waarop ’n glasbak stewig kan pas, maar waarvan die bodem nie aan die water raak nie. Plaas eiergele, stroop of wyn en strooisuiker in die glasbak. Plaas op pot en verlaag hitte tot net onder kookpunt. Gebruik elektriese handklitser en klits mengsel vir 5 minute by hoë spoed tot lig, blink en skuimerig. Verwyder bak van hitte en klits tot mengsel koud is. Plaas perskes in dienbak en skep skuimsous oor. Sprinkel springmielies oor en sit voor.