Nie vars ruik steeds

PROF. VAN PAPENDORP antwoord:

Goeie higiëne is belangrik en die skeer of waks van onderarmhare verminder die reuk – bloot omdat jy dan beter daar kan was. Antiperspirante of reukweerders help baie. Botoxinspuitings in die oksels verrig wondere want dit verminder of stop sweetafskeiding. Herhaal elke vier tot ses maande. ’n Groot sondaar is wasgoed wat nie goed genoeg gewas word nie en bakterieë kruip dan onder die arms weg. Werk ook aan jou stresvlakke:

Die apokriene kliere (in areas met baie haarfollikels) is baie aktief tydens stres. Vermy vleis, die swaelinhoud vererger reuke. Ook knoffel en uie, hul afbreekprodukte word ook deur sweet uitgeskei. Drink voorts baie water.