Kners op jou tande
Die stres en spoed van die moderne lewe kan aan mense se tande gesien word. “Ek het pasiënte in hul vroeë dertigs wat reeds ’n volle mondrehabilitasie nodig het. Dit was vroeër eers ’n probleem by mense in hul vyftigs en sestigs,” sê dr. Zak Schabort van
The Cosmetic and Dental Emporium se Waterfront-tak in Kaapstad. Kners jy, kan dit jou ’n streshoofpyn en ’n migraine gee. Jy weet dikwels nie eens jy is ’n knerser nie, dit gebeur byvoorbeeld as jy slaap. Jou tandarts kan wel die letseltjies op jou tande sien.
Die knersspier
(masseter, ’n dik spier in jou wang) kan met Botox ontspan word en krimp dan mettertyd. Die spier begin ontspan binne sewe dae ná toediening en die inspuiting moet elke vier maande herhaal word. Nog ’n voordeel van Botox is dat jou kaakgewrig (temporomandibulêre gewrig) ontspan. Nie net jou gesig nie, maar die res van jou lyf is dan meer ontspanne en jou lewensgehalte verbeter, sê dr. Schabort.
Die hoofpynkliniek vervaardig ’n plaatjie wat jy teen jou verhemelte dra en knersing doeltreffend voorkom, volgens dr. Shevel.
Stel dit reg: